MIRAR DENTRO FAI CEGO. ESCRITOS ESCOLLIDOS CON CINCO ENSAIOS INÉDITOS

Esta “biografía do pensamento” de Paul Watzlawick é o seu último e precioso legado, destinado a quen coñeceu dende hai tempo o seu enfoque para a solución dos problemas humanos e tamén a todos aqueles “espíritos libres” que simplemente buscan mellorar as súas vidas.
Contracorrente e inconformista, un dos fundadores da Escola de Palo Alto foi unha das figuras máis importantes da psicoloxía e psicoterapia contemporánea e un dos poucos autores capaces de falar de cuestións complexas dun xeito sinxelo e lineal.

Precisamente a iso tenden as teorías da pragmática da comunicación, as estratexias da terapia breve (resolución de problemas, perspectiva interaccional, psicoterapia do “como se”) e a elección do constructivismo radical. Calquera cousa que pareza inmutable pódese cambiar.
Pero o punto de inflexión non se orixina nun camiño de introspección que descobre as causas dun problema no pasado. Máis ben, trátase de traballar sobre as perturbacións do presente utilizando a linguaxe como medio de suxestión e persuasión para cambiar. Aproveitando o enorme potencial da comunicación humana é posible dar confianza aos que están en dificultades. Unha vez suprimidas as etiquetas que condenan para sempre a un paciente á súa enfermidade, será posible construír unha realidade mellor.